Haqqımızda

Biz kimik

Hüquq şirkətimiz dövlət və özəl hüquq sahələrində formalaşmış təcrübəni kommersiya hüququ üzrə ixtisaslaşmış fəaliyyətimizlə birləşdirir. Şirkətimizin təsisçisi Cabir Əliyev tikinti hüququ və FIDIC müqavilələri, mülki məsuliyyət, konstitusiya və inzibati hüquq sahələrində 15 illik peşəkar təcrübəyə malikdir. Onun təcrübəsinə BMT, Avropa Şurası və ATƏT ilə əməkdaşlıq çərçivəsində həyata keçirilən məhkəmə islahatları layihələrində CEPEJ eksperti kimi fəaliyyəti də daxildir.

Komandamızın üzvü vəkil Ofelya Həsənova kommersiya müqavilələri, tikinti layihələri, əqli mülkiyyət və fərdi məlumatların qorunması sahələrində fəaliyyət göstərir. O, Niderlandda magistr dərəcəsi (LL.M.) almış və fərdi məlumatların qorunması üzrə CIPP/E sertifikatına yiyələnmişdir. Komandamızın digər üzvü Xanım İsmayılova isə Maltada qazandığı peşəkar təcrübə və Bolonya Universitetində aldığı hüquq təhsili ilə beynəlxalq arbitraj və transsərhəd mübahisələr üzrə şirkətin fəaliyyətinə töhfə verir.

Fəaliyyətimizin əhəmiyyətli hissəsi xarici tərəflərin iştirak etdiyi, xarici hüququn tətbiqini tələb edən və ya ölkə xaricində yerləşən müştərilərlə bağlı hüquq münasibətlərini əhatə edir. Bu səbəbdən hüquqi xidmətləri Azərbaycan, ingilis və türk dillərində göstərir, məsləhətlərimizi hazırlayarkən hüquqi məsələlərin sərhədlərarası və kommersiya baxımından mümkün nəticələrini ilkin mərhələdən nəzərə alırıq.

Hesab edirik ki, effektiv hüquqi dəstək ilk növbədə müştərilərimiz üçün nəyin vacib olduğunu anlamaqdan başlayır. Məqsədlərini, prioritetlərini və fərdi xüsusiyyətlərini diqqətlə nəzərə alaraq, hüquqi məsləhətlərimizi onların konkret ehtiyaclarına uyğunlaşdırırıq. Aydın ünsiyyətə, hərtərəfli təhlilə və müştərilərimizin qarşılaşdığı çətinliklərin praktiki baxımdan düzgün anlaşılmasına önəm veririk. Bu prinsipləri rəhbər tutaraq, müştərilərimizlə uzunmüddətli peşəkar münasibətlər qurmağa və onların ehtiyacları dəyişdikcə, yeni çağırışlarla üzləşdikcə etibar edə biləcəkləri hüquqi dəstək göstərməyə çalışırıq.